Sot, në orën 12:00, do të hidhet shorti i Liga e Kampionëve UEFA 2025/26 për raundin e 16-të, si dhe përcaktohet skema e çerekfinaleve dhe gjysmëfinaleve.
Shorti zhvillohet në Nyon të Zvicrës, në Shtëpinë e Futbollit Evropian, dhe transmetohet drejtpërdrejt në platformat zyrtare të UEFA-s.
Në short marrin pjesë 16 skuadra: 8 ekipet më të mira të fazës së ligës dhe 8 fituesit e play-off-eve.
Skuadrat e kualifikuara nga faza e ligës do të përballen me ato tëkualifikuara nga ndeshjet e playoff-it dhe do të kenë avantazhin që ndeshjen e dytë ta luajnë në shtëpi.
Shorti i sotëm nuk përcakton vetëm çiftet e raundit të 16-të, por edhe rrugën e plotë deri në finale, pasi pozicionimi në kllapë vendos automatikisht çerekfinalet dhe gjysmëfinalet.
Pas këtij shorti, ekipet do ta dinë saktësisht se kë duhet të kalojnë për të arritur në finalen e Ligës së Kampionëve.
Këto janë të gjitha ekipet që marrin pjesë në short: Arsenal, Bayern Munchen, Liverpool, Tottenham, Barcelona, Chelsea, Sporting, Man City, Real Madrid, Paris Saint – Germain, Newcastle, Atletico Madrid, Atalanta, Leverkusen, Galatasaray dhe Bodø/Glimt.
