Rasti “Grubi” ishte aktuale edhe në seancën për pyetje deputetësh. Fillimisht opozita maqedonase ka koketuar se pas dorëzimit të Artan Grubit qëndron një marrëveshje politike mes kryeministrit Hristijan Mickoski dhe vet Artan Grubit. Në këtë, kryeministri i vendit, Hristijan Mickoski, në pyetjet e deputetëve theksoi se kjo flet mjaftueshëm se në çfarë gjendje është opozita në përgjithësi.
“Atë të cilën ata e mendojnë dhe e kanë bërë më herët, mendojnë se të gjithë ne e bëjmë. Ata mendojnë se nëse ato më herët në këtë mënyrë kanë kurdisur procese dhe kanë rrëzuar qeveri në të kaluarën përmes Revolucionit Laraman, me gënjeshtra, me konstruksione, me intervenime në Gjyqësor dhe Prokurori, mendojnë se edhe ne tani punojmë në këtë mënyrë, por JO! Duhet të kuptojmë se i аrratisuri është kapur nga organet e rendit, gjithçka më tutje është vendim i një sistemi tjetër, e ai është sistemi i drejtësisë dhe kjo nuk ka asnjë lidhje me Qeverinë.”, – deklaroi kryeministri, Hristijan Mickoski
