Ekstradohet nga Emiratet e Bashkuara Arabe në vendin tonë 33 vjeçari Florim Limani. Limani kërkohej nga policia maqedonase me urdhër arresti ndërkombëtarë. Ky është ekstradimi i parë nga Emiratet e Bashkuara Arabe në vendin tonë.
“Sot (20.02.2026) u ekstradua nga Dubai në vendin tonë Florim Limani (33), i cili kërkohej me urdhër ndërkombëtar për të vuajtur një dënim me burg prej tre vjet e gjashtë muajsh për veprën penale “prodhim, mbajtje dhe tregti të paligjshme të armëve ose eksplozivëve”, e dënueshme sipas nenit 396, paragrafi 1 i Kodit Penal. Ky është ekstradimi i parë i një personi nga Emiratet e Bashkuara Arabe, të cilin vendi ynë e kërkon me urdhër ndërkombëtar”, thuhet në njoftimin e MPB-së.
