FIFA ka marrë një vendim të madh sa i përket situatës në Gaza.
Kjo u konfirmua në mbledhjen e parë të Bordit të Paqes, që u zhvillua mbrëmë nga presidenti i SHBA-së, Donald Trump dhe ai i FIFA-s, Gianni Infantino.
“Kam kënaqësinë të njoftoj se FIFA do të ndihmojë në mbledhjen e një totali prej 75 milionë dollarësh për projekte në Gaza. Së shpejti do ta paraqesim projektin në detaje dhe, nëse mundem, do t’ju bashkohem në ngjarjen e futbollit. Ju respektoj, ju përmirësoni kushtet, ju sillni yjet më të mëdhenj të botës në stadiume që i tejkalojnë tonat në lavdi”, i tha Trump Infantinos.
FIFA më vonë lëshoi një deklaratë duke dhënë më shumë detaje, duke përfshirë planet për të ndërtuar një akademi futbolli, një stadium të ri kombëtar me 20,000 vende, pesë fusha me madhësi të plotë dhe 50 fusha të vogla pranë shkollave dhe zonave të banimit.
Plani për Gazën do të fillojë sapo të lejojnë kushtet e sigurisë dhe do të zgjasë rreth tre vjet.
