Kryetari i Komunës së Gostivarit, Valbon Limani, ka përcjellë një mesazh urimi me rastin e fillimit të muajit të shenjtë të Ramazanit, duke iu drejtuar qytetarëve të besimit islam me urimet më të përzemërta për një muaj të bekuar.
Në mesazhin e tij, ai thekson se Ramazani është muaj i sakrificës, përkushtimit dhe solidaritetit, një periudhë që i fton besimtarët në reflektim shpirtëror, forcim të besimit dhe shtim të veprave të mira.
“Le ta shfrytëzojmë këtë periudhë të bekuar për të forcuar besimin, për të bërë më shumë vepra të mira dhe për të qenë më pranë njëri-tjetrit. Qofshin lutjet tona të dëgjuara dhe dedikimi ynë i pranuar. Le të jemi të gjithë të bashkuar në vlerat e Zotit”, thuhet në mesazhin e kryetarit Limani.
Në fund, ai uroi të gjithë besimtarët myslimanë për agjërim të lehtë dhe të pranuar, duke shprehur dëshirën që ky muaj të sjellë paqe, harmoni dhe mirësi në çdo familje.
https://www.swisstransfer.com/d/743829f7-f336-4e39-81f4-09c599084731
