Ekipet mobile doganore gjatë vitit 2025 kanë realizuar 271 raste konfiskimesh, ku në 39 raste janë sekuestruar 5.500 bokse cigare dhe 27,5 kilogramë duhan për nargjile, në katër raste janë konfiskuar 195,5 kilogramë drogë, në 14 raste janë sekuestruar 230 mijë euro, si dhe janë konfiskuar mbi 39 mijë copë barna. Njëkohësisht, gjithashtu është arritur përparim i konsiderueshëm në mbrojtjen e të drejtave të pronësisë intelektuale, ku në 39 raste janë sekuestruar mbi 112 mijë produkte me marka të njohura tregtare.
Janë kryer mbi tetë mijë kontrolle të automjeteve, me ç’rast janë parandaluar 28 vepra penale, si dhe kundërvajtje në të cilat detyrimet e shmangura të konstatuara arrijnë në tetë milionë denarë.
Është vepruar edhe sipas 30 kërkesave për asistencë, ndërsa në rastin e fundit, me ndihmën e një qeni doganor nga njësia K9 janë gjetur 10 kilogramë kokainë.
Ekipet mobile doganore kanë marrë pjesë edhe në tri operacione më të mëdha ndërkombëtare – Shield VI, Stop IV dhe ARMSTRONG XI. Bëhet fjalë për aksione ndërkombëtare që kanë për qëllim parandalimin e tregtisë së paligjshme me barna dhe anabolikë të falsifikuar, mbrojtjen e të drejtave të pronësisë intelektuale përmes luftimit të mallrave të falsifikuara, si dhe parandalimin e tentativave për terrorizëm.
https://www.facebook.com/share/r/1CVsgUfKMm/
