Struga humb nga Sileksi në shtëpi

E diela ka sjellur dy ndeshjet tjera në program të xhiros së 18-të në Ligën e Parë të futbollit në Maqedoninë e Veriut. Skuadra e Strugës ka humbur në shtëpi duelin nga Sileksi me rezultatin 2:3. Struganët ishin në avantazh me dy golat e Radeskit dhe Kampaores, teksa Silekis u rikthye me finalizimet e Aliq, Nikollovski dhe në fund Dodev që vulosi fitoren e skuadrës nga Kratova. Në duelin tjetër të ditës, Vardari mori fitore bindëse përballë Rabotniçkit me shifrat 3:0. Xhiroja e 18-të vazhdon nesër me dy ndeshjet tjera si Makedonija Gjorçe Petrov – Shkupi dhe Arsimi – Brera, teksa e njejta mbyllet të martën me duelin e vetëm në Kumanovë, aty ku Bashkimi do të takohet me Pelisterin.