Po bëhen përgatitjet e fundit që gjatë muajit të Ramazanit, të vihet në funksion xhamia më e madhe në Maqedoni, xhamia e Tophanës.
E quajnë “Bukuroshja e Shkupit” por në të vërtetë quhet “Xhamia e Tophanës”. Ezani i parë do të thirret në teravinë e parë të këtij muaji të shenjtë të Ramazanit ndërsa xhamia në funksion do të jetë vetëm për Ramazan dhe për namazin e Bajramit. Më pas do të mbyllet derisa të përfundojnë të gjitha punimet.
Vendi i planifikuar për adhurim do të jetë në dy nivele, përfshirë dhe hapësirë për gjininë femërore. Në katet e poshtme do të ketë amfiteatër, klasa, zyre, parking por edhe market. Si kompleks, përfshinë diku 10 mijë metra katror. Disa nga mbishkrimet dhe dekorimet, janë të ngjyrosura me ngjyrë ari 24 karat.
Përafërsisht planifikohet që xhamia në brendinë e vet të merr diku 1600 besimtarë që munden njëkohësisht të falin namazin por nëse koha do të ishte e mirë dhe të ketë interesim më të madh së bashku me pjesën e jashtme diku 3200 besimtarë munden në një moment të kryejnë adhurimet ditore, pra ti falin namazet e tyre, tha Qenan Ismaili – Myfti i Shkupit.
Xhamia e Tophanës ka filluar të ndërtohet qysh në vitin 2017 ndërsa e periudha e pandemisë “Covid 19” bllokoi gjithçka. Hapja zyrtare dhe përfundimtare pritet të bëhet në fillim të vitit 2027. /alsat.mk
