Çmimi i pikë pagesave rrugore është tepër i lartë për standardin dhe kushtet e infrastrukturës që ofrohen në vendin tonë, thonë qytetarët për Alsat. Ata shtojnë se institucionet duhet të shqyrtojnë mundësinë që pagesa të bëhet njëherë në vit dhe të mos jetë më e lartë se 30 euro, siç është praktikë në shtetet Evropiane.
“Çmimet janë të larta dhe ne me pagat që i marrim e që janë të ulëta, çmimet e pikë pagesave janë tepër të larta,” u shpreh një qytetar.
”Sipas standardeve tona janë të larta, dhe duhet që të mos ketë fare pikë pagesa por ka, kjo është. (0:20 – 0:43) Së bashku me regjistrimin të paguhet, siç na ndalin për rrugët e vendit, në mënyrë paushallë të jetë pagesa. Sa do ishte një çmim ideal? Duke u bazuar në shtetin e Bullgarisë dhe Serbisë, duhet të jetë nga 30 deri në 50 euro, në varësi të automjetit,” tha një qytetar.
“Rrugët nuk janë të mira në krahasim me pagesën e ja për shembull për në Serbi, është 1 euro dhe rrugët janë autostradë e këtu nuk mundët të vozitësh më shumë se 40 apo 50,” u shpreh një tjetër qytetar, foli një qytetar.
”Çmimet e pikë pagesave janë tepër të larta. Të shkosh deri në aeroport të duhet 200 apo 300 denarë të shkosh e të vish. Për ne taksistët, ja e bleva këtë 50 euro dhe janë të larta çmimet sigurisht dhe mendoj se duhet të ulen çmimet,” tha një tjetër qytetar.
Kryetari LSDM-së, Venko Filipçe, ditë më parë tha se LSDM në periudhën e ardhshme do të propozojë më shumë zgjidhje ligjore ndër të cilat edhe për uljen e çmimeve të taksave rrugore, si pjesë e një pakete më të gjerë masash për lehtësimin e shpenzimeve të qytetarëve.
I pyetur nga Alsat, kryetari LSDM-së, Venko Filipçe nuk dha më shumë detaje se për çfarë zgjidhje ligjore konkretisht bëhet fjalë por tha se po punojnë për opsionet dhe se opinioni do të njoftohet në kohë.
Çmimet në pikë pagesat rrugore në vendin tonë fillojnë nga 40 denarë për automjetet e kategorisë B, ndërsa çmimi më i lartë arrin deri në 160 denarë. Për kamionët e rëndë apo kategoria e katërt, çmimi më i ulët në një pikë pagese fillon nga 150 denarë, ndërsa çmimi më i lartë shkon deri në 430 denarë, në varësi të gjatësisë së segmentit rrugor. /alsat.mk
