Moderatori i emisionit “Opinion”, Blendi Fevziu, ka njoftuar se dy panelistët Berat Buzhala dhe Albatros Rexhaj janë pajtuar.
Ai ka publikuar momentin e incidentit në “Facebook”, me mbishkrimin “Çdo gjë ok”, teksa ka publikuar edhe momentin kur Buzhala e Rexhaj përqafohen.
Incidenti ndodhi gjatë një diskutimi mbi Gjykatën Speciale, kur Albatros Rexhaj e akuzoi Buzhalën se kishte votuar (mbështetur) amandamentet që i dhanë fuqi kësaj gjykate.
Pjesë nga debati në studio:
Rexhaj: Je tu e degradu debatin. Kur e keni kialu këtë amendament, dhomave speciale i keni dhënë të drejtën për me e interpretu vetë Kushtetutën. Je tu e degradu debatin. Ata janë vetë pashë, vetë subashë, vju e keni votu. E ka votu Albin Kurti!
Buzhala: Trus aty!
Rexhaj: Ti po fol tan ditën për Kushtetutën, ai e interpreton vetë Kushtetutën.
Buzhala: Po ta kuptoj që ke ardh me prish debatin!
Rexhaj: O burrë, s’je ti pronar i debatit. Mbylle gojën or burrë.
Buzhala: Kujt i thua ti mbylle gojën?! Kujt?! Ropt t’i q*fsha…
Këtu ndërhyn moderatori Blendi Fevziu, si dhe i ftuari tjetër Ermal Hasimja, për të ndarë dyshen.
