Komisioni i hifzit pranë Myftinisë së Shkupit realizoi seancën e fundit të dëgjimit për kandidatin për hafiz, Berkin Veseli.
Gjatë seancave, përfaqësuesi i Myftinisë, hfz. Irfan ef. Sulejmani, në emër të Myftiut, përgëzoi muhafizin dhe hafizin për përkushtimin e tyre në këtë rrugëtim të shenjtë. Ai shprehu mirënjohje për familjen e hafizit dhe i uroi Berkin Veselit suksese dhe shëndet të plotë.
Seancat u zhvilluan në xhaminë “Haxhi Muhjidin”, para anëtarëve të Komisionit të hifzit dhe me praninë e xhematlinjve mysafirë.
Komisioni përbëhej nga:
Hfz. Xhemail ef. Nuhiju, kryetar
Hfz. Abdulkerim ef. Ebibi, anëtar
Hfz. Xhelil ef. Shabani, anëtar
Hafizi Berkin Veseli hifzin e kreu pranë muhafizit hfz. Abdurrahim ef. Sulejman./zyrtare.net/
