Gjysmësezoni pranveror në Ligën e Parë të futbollit të Maqedonisë së Veriut do të shënojë nesër startin me ndeshjet e xhiros së 17-të në program. Ky gjysmësezon nis me derbin shqiptar Shkëndija – Struga, me duelin që është paraparë të zhvillohet të martën në Tetovë, duke nisur nga ora 14:00.
Në të njejtën kohë, në program është edhe ndeshja ndërmjet Shkupit dhe Tikveshit, e cila do të luhet në Kavadar.
Liga e Parë vazhdon të mërkurën me ndeshjet Vardari – Arsimi dhe Sileksi – Bashkimi, teksa xhiroja e 17-të mbyllet të enjten me takimet Brera – Makedonija Gjorçe Petrov dhe Pelisteri – Rabotniçki. /SHENJA/
