Gjatë vizitës së tij të fundit në Egjipt, Presidenti turk Recep Tayyip Erdogan i dhuroi homologut të tij egjiptian, Abdel Fattah al-Sisi, makinën elektrike Togg, automjetin e parë turk me emetim zero të prodhuar në Turqi.
Dhënia e makinës u bë menjëherë pas ceremonisë së nënshkrimit të marrëveshjeve bilaterale dhe konferencës së përbashkët për shtyp. Automjeti ishte në ngjyrën e kuqe “Anatolia”, një nga ngjyrat karakteristike të Togg.
Në prani të Ministrit turk të Industrisë dhe Teknologjisë, Mehmet Fatih Kasır, të dy presidentët u fotografuan brenda makinës në kopshtet e Pallatit Ittihadiya, rezidencës presidenciale të Egjiptit. Më pas, Erdogan udhëtoi me të njëjtin automjet drejt hotelit ku u mbajt sesioni i fundit i Forumit të Biznesit Turqi-Egjipt, i drejtuar nga al-Sisi.
Prodhimi i makinës Togg filloi më 29 tetor në Bursa, duke përkuar me 99-vjetorin e themelimit të Republikës së Turqisë. TOGG (Türkiye’nin Otomobili Girişim Grubu), konsorciumi i kompanive turke i themeluar në vitin 2018, ka si qëllim ta bëjë Turqinë të pavarur nga prodhuesit e huaj të automjeteve.
