Në fund Juventusi nuk ia doli t’i dhurojë një tjetër qendërsulmues Luciano Spallettit pas Boga. Edhe në orët e fundit të merkatos, tentativat për Kolo Muani(Tottenham nuk gjeti zëvendësues), Joshua Zirkzee(Manchester United nuk e lejoi largimin e tij) e sidomos Mauro Icardin rezultuan të kota.
Dhe meqë ra fjala te argjentinasi del në dritë një prapaskenë e publikuar nga e përditshmja ‘Tuttosport’ që shpjegon dëshirën e sulmuesit për t’u kthyer në Serie A, por një lëvizje e tillë nuk u konkretizua
Prapaskena Icardi: Juve, shënoj për ty. Mauro Icardi do të mbërrinte te torinezët me një mesazh të qartë: ‘Nëse më merrni shënoj 10 gola në 6 muaj, kështu më konfirmoni edhe për vitin tjetër’. Fjalë të qarta që tregonin dëshirën e tij për t’u bërë pjesë e Interit pavarësisht të kaluarës së tij me Interin si dhe vullnetin e tij për të harruar divergjencat me Spallettin kur ishin të dy te skuadra milaneze.
Përse Icardi nuk shkoi te Juventus dhe qëndroi te Galatasaray? Vendimtar ishte vullneti i klubit turk që kërkonte 15 milionë euro për të lënë të lirë një futbollist 33 vjeçar dhe që pas 6 muajsh do të jetë totalisht i lirë. Presidenti turk kërkoi një shifër të lartë edhe për të evituar që Icardi të shkojë te kundërshtarët e skuadrës turke në playoffin te Champions League dhe të shënojë kundër Galatasaray. Ishte si të thoshte; nëse nuk kaloj 1/8 e finaleve për ‘faj’ të një ish lojtari tim, më mirë mbrohem dhe bllokoj humbjen financiare. Dhe në këtë pikë erdhi edhe refuzimi mëse i kuptueshëm nga ana e Juventusit.
