Në lidhje me daljet dhe deklaratat publike të Trendafilovit sot, si Qeveri reagojmë ashpër ndaj përpjekjeve për krijimin e një imazhi të rremë për dialogun social.
“Nuk e dimë se kë po priste Trendafilovi, duke u ulur në një sallë të zbrazët, por një gjë është kristal i qartë: dialogu social për ne është një politikë serioze dhe përgjegjëse shtetërore, jo një mjet për teatër politik apo paradë përpara kamerave. Opinioni duhet të dijë se takimi i kryeministrit Mickoski me përfaqësuesit e sindikatës së punëtorëve të administratës, organeve gjyqësore dhe shoqatave të qytetarëve është caktuar dhe do të mbahet në ambientet e Qeverisë të enjten në orën 16:45.”, thuhet në komunikatën e lëshuar.
Kjo është një dëshmi konkrete që Qeveria nuk ikën nga dialogu, por kërkon që ai të jetë serioz, përmbajtësor dhe i orientuar drejt rezultateve.
Dialogu social zhvillohet aty ku e ka vendin , brenda institucioneve, me një plan të qartë dhe me qëllim real për gjetjen e zgjidhjeve.
Të gjitha përpjekjet për ta kthyer atë në narrativa të rreme dhe paraqitje arbitrare janë të papërgjegjshme dhe dëmtojnë interesat e punonjësve, të cilët supozohet se po mbrohen.
Qeveria mbetet e përkushtuar për një dialog social konstruktiv, por nuk do të lejojë që ai të keqpërdoret për llogari politike ditore.
