Kryetari i Kuvendit, Afrim Gashi, në Stamboll, u drejtua në Konferencën Ekonomike/B2B të organizuar nga Rrjeti Global i Bizneseve Shqiptare, një platformë e rëndësishme që synon forcimin e bashkëpunimit ekonomik dhe krijimin e partneriteteve të reja ndërmjet bizneseve shqiptare.
Në fjalën e tij, Kryetari Gashi theksoi përkushtimin e institucioneve për të mbështetur sinergjinë ndërmjet komuniteteve të biznesit, përmes krijimit të një klime të favorshme për investime, nxitjes së dialogut të hapur me sipërmarrësit, lehtësimit të barrierave administrative dhe ndërtimit të një mjedisi që garanton zhvillim të qëndrueshëm dhe të përbashkët.
Ai përgëzoi Rrjetin Global të Bizneseve Shqiptare për këtë iniciativë të vlefshme, e cila kontribuon në nxitjen e projekteve të reja dhe ndërtimin e urave të bashkëpunimit që lidhin njerëz, tregje dhe shtete.
Kryetari i Kuvendit, Afrim Gashi, pjesëmarrës në Konferencën Ekonomike/B2B në Stamboll
