LSDM dorëzoi në Kuvend propozim-ligjin për pagën minimale prej 600 euro për punëtorët

Grupi parlamentar i LSDM-së dorëzoi në Kuvend propozim-ligj për ndryshimin dhe plotësimin e Ligjit për pagën minimale. Me këto ndryshime të propozuara, paga minimale përcaktohet në 36.960 denarë, përkatësisht 600 euro. Në arsyetim thuhet se gjatë vitit 2025 është evidentuar një rritje e vazhdueshme e inflacionit, ndërsa indeksi i kostos së jetesës ka shënuar rritje të konsiderueshme. Sipas përllogaritjeve të tyre, implikimet financiare të këtij ligji arrijnë në 7.5 miliardë denarë. Opozitarja LSDM pret mbështetje nga të gjitha partitë parlamentare.