Konfederata e Sindikatave të Maqedonisë do të mbajë sot protestë për rritjen e pagës minimale në të paktën 600 euro dhe të gjitha pagat e tjera për 100 euro. Protesta, e cila do të fillojë në orën 17:00, do të shprehë pakënaqësi për mospërmbushjen e kërkesave për rritje të pagave. Protesta do të fillojë para Shtëpisë së Punëtorëve dhe do të vazhdojë para Kuvendit dhe Odës Ekonomik, dhe do të përfundojë para Qeverisë.
Kryetari i Konfederatës së Sindikatave të Maqedonisë, Sllobodan Trendafilov, dje në një konferencë për shtyp tha se protesta po organizohet për shkak të qëndrimit injorant të Qeverisë dhe punëdhënësve që nuk kanë rritur pagat e punëtorëve.
Argumente ka shumë, justifikime nuk ka, 200 mijë njerëz jetojnë me pagë nën 30.000 denarë, deklaroi sot kryetari i LSM-së, Sllobodan Trendafillov.
“Nuk keni nevojë të keni frikë nga askush, sepse nuk i keni borxh askujt asgjë. Familjeve tuaja u keni borxh vetëm një jetë të mirë. Ju bëj thirrje të gjithëve juve – sindikalistëve, punëtorëve dhe pensionistëve që merrni pension nga kontributet e punëtorëve – të na bashkoheni sepse vetëm në janar jeni më të varfër me një mijë denarë. Të tjerët na numërojnë dhe mendojnë se nëse nuk vini, po u jepni mbështetje të madhe që të mos ju rrisin pagën sepse mendojnë se jetoni mirë dhe se flisni vetëm për gjëra të bukura”, tha Trendafillov në konferencë për media.
Protesta e nesërme, siç theksoi, është për shkak të statusit injorues të Qeverisë dhe të punëdhënësve të cilët nuk u morën vesh për rritjen e të gjitha pagave për 100 euro përmes rritjes së pagës minimale në të paktën 600 euro.
“28 janari është dita kur punëtorët flasin. Sa me zë të lartë do të flasin varet nga ju. Nesër prania juaj në rrugë do të flasë me zë më të lartë se çdo diskutim që keni pasur në familjet dhe vendet tuaja të punës. Kjo protestë është për pagat tuaja sepse ato nuk arrijnë nga data 1 deri në datën 1. Kjo protestë është kundër padrejtësisë sepse ata marrin 10 herë më shumë paga se ju. Kjo protestë është sepse ata sigurojnë për veten e tyre rritje prej 250 eurosh në pagat e tyre, ndërsa për ju as 25 euro”, tha Trendafillov.
Sindikata e Pavarur e Gazetarëve dhe Punonjësve të Medias (SPGPM) gjithashtu do t’i bashkohet protestës. Në një deklaratë dërguar mediave, SPGPPM u bëri thirrje anëtarëve të saj të japin mbështetje të plotë kërkesave për rritje të pagave minimale, por edhe të të gjitha pagave të punëtorëve në vend.
Qeveria: Rritja e pagës minimale në mars konform ligjit
Secili ka të drejtë të protestojë, thotë kryeministri Hristijan Mickoski në intervistën e sotme në emisionin “Klik plus” në TV21, lidhur me protestat e paralajmëruara nga një pjesë e organizatave sindikale.
Mickoski theksoi se nuk ka asgjë kundër të ardhurave më të larta, por vlerëson se qëllimi i sindikatave është përballje politike, e jo rritja e pagave për punëtorët.
“I pashë kërkesat, nuk është diçka e re. Absolutisht unë jam gjithmonë për të ardhura më të larta. Secili duhet të marrë të ardhura më të larta, këtu nuk ka dilemë dhe askush nuk ka mendim të kundërt. Por ajo që duhet të thuhet dhe të shikohet e vërteta në sy është fakti se disa persona që janë pjesë e udhëheqjes së këtij sindikati janë plotësisht të kapur nga ambicie të caktuara politike dhe figura politike. Dhe të gjitha këto që po bëjnë atje kanë një detyrë të tillë, një qëllim të tillë. Qëllimi këtu nuk është human, dhe tani ata dalin dhe bëjnë thirrje për protesta që punëtorët të marrin paga më të larta, përkundrazi.”
Në pyetjen nëse mendon se thirrja e nesërme për protestë nga LSM-ja ka prapavijë politike, Mickoski u përgjigj:
“Absolutisht. A duhet dikush të ketë dilemë për një protestë të sindikatave që është paralajmëruar disa javë më parë, ndërsa zhvillohet disa ditë pas mbajtjes së Kongresit të një partie politike? Mendoj se këtu askush nuk duhet të ketë dilemë.”
Mickoski thotë se udhëheqja e LSM-së mendon se në këtë mënyrë do t’i shkaktojë dëm Qeverisë, por siç u shpreh, nuk bëhet fjalë për paga më të larta, por për një kërkesë sindikale që është e kapur nga politika dhe nga politikanë të caktuar të opozitës.
“Ata mendojnë se në këtë mënyrë do t’i shkaktojnë dëm Qeverisë. Thelbi nuk është paga më e lartë për punëtorët, por mendojnë se do të shkaktojnë dëm, sepse kryesimi i tyre dhe mënyra e funksionimit në sindikatë është me vijë familjare, njëri ia kalon tjetrit. Shikoni, për shembull, prindërit e një pjese të udhëheqjes së LSM-së, ku kanë qenë më parë kryetarë, në cilat sindikata – do t’ju qartësohet se si funksionon ajo strukturë. Kështu që, absolutisht nuk bëhet fjalë për asnjë të drejtë të punëtorëve, nuk bëhet fjalë për asgjë që lidhet me paga më të larta për punëtorët, por për një kërkesë sindikale që është e kapur nga politika dhe nga politikanë të caktuar të opozitës”, ishte i prerë Mickoski.
Konfederata e biznesit: Ekonomia jonë, posaçërisht sektori privat, nuk mund t’ia lejojë vetes rritjen e kërkuar të rrogës minimale
Për rrogën minimale të mos anashkalohet Këshilli ekonomiko-social, ndërsa në dialogun për gjendjen ekonomike nevojiten të gjithë sepse ekonomia e vendit mund të funksionojë shumë mirë, porositi kreu i Konfederatës së biznesit në Maqedoni, Mile Boshkov.
Boshkov përsëriti se për Konfederatën e biznesit është e pranueshme rritja e rrogës minimale në mars me harmonizimin me ligjin dhe thekson se çdo rritje tjetër, patë dhëna lehtësuese për kontributet sociale, do të jetë barrë e madhe për ekonominë.
“Disa herë biseduam edhe me përfaqësues të Qeverisë, por gjithashtu edhe me kolegët tanë nga Lidhja e sindikatave të Maqedonisë dhe nga sindikata të tjera se do të ruhej zëri se harmonizimi i rrogës minimale në mars është epranueshme për ne, ajo është pjesë e ligjit që duhet të kuptohet dhe të pranohet, por gjithashtu edhe të mund të rrisim më shumë, siç kërkojnë sindikatat, në interes edhe të punëdhënësve, edhe të qytetarëve, edhe të punëtorëve është rritja prej 6.000 denarëvetë jetë e liruar nga kontributet sociale dhe e ngarkuar vetëm me tatimin personal, dhe atë në të gjithë sektorët. Kërkesat plotësuese dhe 100 eurot shtesë që i llogarisim si rritje lineame të vërtetë seriozisht me këto kushte, pa të dhëna lehtësuese për kontributet sociale, do të ishin barrë e madhe për ekonominë, jo vetëm për ushtruesit e pavarur të veprimtarisë mikro dhe të vegjël por edhe përtë gjitha kompanitë, sepse bëhet fjalë për barrë të madhe, që nuk është vetëm 6.000 denarë, përkatësisht me kontributet sociale është e ngarkuar me 4.500 denarë plus”, thotë Boshkov.
Shoqëria jonë ekonomike dhe ekonomia, posaçërisht sektori privat, potencoi ai, nuk mund t’ia lejojnë vetes atë rritje. “Themi në mënyrë kategorike sepse, pa marrë parasysh treguesit pozitivë për rritje të PBV-së, megjithatë bëhet fjalë për ekonomi të ndarë në të mëdha dhe të vogla, posaçërisht të voglat, të cilat janë 98 për qind e ekonomisë, nuk mund të bëjnë hap përpara në mëynrë drastike në rritjen e shpenzimeve edhe ashtu të shtuara për punën e kompanive”, theksoi Boshkov.
Ai shtoi se për kërkesat e tyre nga Qeveria deklarohen me mirëluptim të madh sepse, siç theksoi, e dinë qëndrimin e tyre në historinë 25-vjeçare të dialogut social.
