Drejtuesit e futbollit gjerman hedhin poshtë hipotezën e një bojkoti të mundshëm të Botërorit të 2026. Presidenti i Ligës Gjermane(DFL), Hans-Joachim ëatzke e përkufizoi diskutimin si të pavend në këtë fazë.
Nuk mendoj se është momenti për të folur. Nëse një ditë do të jetë, atëherë do të diskutojmë-tha Watzke-por tani gjithçka është e parakohshme’
Watzke më pas shtoi se nuk ka perceptuar një debat të vërtetë për këtë temë duke folur më shumë për qëndrime individuale. Një vlerësim ky që gjeti konfirmim edhe nga Shefi Ekzekutiv i Bayernit të Mynihut Jan-Christian Dreesen, sipas të cilit bëhet fjalë vetëm për zëra të izoluar, po kështu edhe linja e Federatës Gjermane të Futbollit(DFB) është e qartë. ‘Nuk kemi parë kurrë një botëror të bojkotuar’-nënvizoi ai.
Dreesen kujtoi edhe Botërorin 2018 në Rusi i zhvilluar 4 vjet pas aneksimit të Krimesë ku Gjermania mori pjesë dhe sipas tij nuk ka motive që kjo të mos ndodhë edhe në 2026
‘Sporti duhet të përqendrohet te futbolli, gjeopolitike bëhet diku tjeter-tha ai. Diskutimet për bojkotin u shfaqën në sfond pas tensioneve politike mes SHBA dhe Evropës, në mënyrë të veçantë për pozicionin e presidentit Donald Trump për Groenlandën dhe emigracionin.
Në ambientet politike nuk kanë munguar kritikat, por pa arritur në kërkesa formale për bojkot. Së fundmi zv/presidenti i DFB dhe presidenti i St.Paulit kërkoi të paktën hapjen e një debati për pjesëmarrjen në Botërorin e SHBA, Kanadasë dhe Meksikës. Futbollistë dhe drejtues të Bundesligës, gjithsesi, deri tani kanë mbajtur një sjellje të kujdesshme.
