Muhamed Krasniqi, aktualisht zëvendësdrejtor në Drejtorinë e Agjencisë së Administratës, po përflitet si një nga emrat më të mundshëm për t’u emëruar zëvendësministër i Arsimit.
Burime brenda Alternativës bëjnë të ditur se Krasniqi shihet si kandidati më i përshtatshëm për të zëvendësuar Lulzim Aliun, i cili dha dorëheqje nga kjo pozitë pak ditë më parë.
Krasniqi njihet si një nga figurat më të përgatitura nga radhët e Alternativës në këtë fushë, me një profil profesional dhe institucional të konsoliduar. Ai ka një përvojë të gjatë në fushën e arsimit, ku për vite me radhë ka shërbyer si profesor dhe ligjërues.
Ende nuk ka konfirmim zyrtar lidhur me emërimin e tij, ndërsa pritet që ditëve në vijim të sqarohet përfundimisht se kush do të zavendësoj Aliun në pozitën e zv ministrit.
