Kryetari i Aleancës për Shqiptarët, Ziadin Sela, është distancuar nga deputeti Ilir Demiri pas votimit të tij pro projektit “Safe City”, duke deklaruar se Demiri nuk është pjesë e ASH-së dhe vepron si deputet i pavarur.
“Deputetët e ASH-së dhe ata që janë në frymën e kësaj partie janë këtu: Ilmi Aziri dhe Ilire Dauti”, deklaroi Sela.
Sipas tij, Ilir Demiri nuk mund të jetë në frymën politike të Aleancës për Shqiptarët për aq kohë sa merr vendime që bien ndesh me qëndrimet politike të partisë.
Sela theksoi se Demiri njëkohësisht është deklaruar si deputet i pavarur dhe se ASH distancohet nga veprimi i tij politik për votimin e “Safe City”.
“Deputeti është i lirë të veprojë dhe të votojë ashtu siç dëshiron, për aq kohë sa nuk është pjesë e jona”, shtoi Sela.
