Besimtarët ortodoksë sot shënojnë festën e Ujit të Bekuar, një festë që daton që nga shekulli i dytë. Sipas traditës së krishterë, kjo ditë lidhet me pagëzimin e Jezu Krishtit nga Shën Gjon Pagëzori në lumin Jordan.
Festa njihet edhe si Epifani, për shkak të ritit të madh të bekimit të ujit që kryhet nga kisha ortodokse. Ky bekim simbolizon pastrimin shpirtëror dhe fillimin e ri.
Edhe këtë vit do të vazhdojë tradita shekullore e hedhjes së Kryqit të Shenjtë në ujërat e shenjtëruara. Dioqeza Ortodokse e Shkupit do të organizojë ceremoninë e bekimit të ujërave të lumit Vardar, si dhe aktin tradicional të hedhjes së kryqit, ku besimtarët do të kenë mundësinë të marrin pjesë në këtë ritual fetar.
