Kryetari i Qeverisë, Hristijan Mickoski, duke iu përgjigjur pyetjes gazetareske se si do të shfrytëzohen 250 milionë eurot e mbetura për kompanitë vendase, deklaroi:
„Deri më tani janë transferuar, praktikisht përmes Bankës Zhvillimore, diku rreth 225 milionë euro nga 250 milionë euro. Kjo është kredia të cilën Qeveria, kushtimisht thënë, e subvencionon me shkallë interesi prej 1,95%, me grejs periudhë deri në tre vjet dhe afat shlyerjeje deri në 15 vjet.“
Kryeministri vuri në dukje se realizimi i plotë i mjeteve pritet në tremujorin e parë të këtij viti.
„Pres që së shpejti, në tremujorin e parë të këtij viti, të shfrytëzohet plotësisht. Dhe së bashku me mjetet që bankat investojnë nga mjetet e tyre në projektet zhvillimore të kompanive, mbështesin industrinë dhe ekonominë, dhe në këtë mënyrë Maqedonia në hartën e investimeve është me të vërtetë lidere në rajon. Nëse kemi parasysh se rritja në gjysmën e parë të vitit 2025, e do të thosha edhe gjatë gjithë vitit 2025, është një shifër dyshifrore në përqindje. Krahasuar me periudhën e njëjtë, le të themi, në kuadër të eurozonës, ajo është 2-2,5%. Kështu që, unë jam vërtet i kënaqur me mënyrën se si janë shfrytëzuar këto mjete“, shpjegoi Mickoski.
