Qytetarët do të kenë mundësi të përdorin dy termine për nisje nga Tetova drejt Kodrës së Diellit, në ora 08:00 dhe 10:00, si dhe po aq termine për kthim, në ora 14:45 dhe 16:00. Bileta kthyese do të kushtojë 200 denarë.
– Nga e shtuna (17 janar) do të vihet në funksion linja e autobusit Tetovë – Kodra e Diellit dhe anasjelltas. Kjo linjë do të funksionojë vetëm gjatë fundjavave. I ftojmë të gjithë qytetarët të shfrytëzojnë transportin publik dhe të kontribuojnë në uljen e ngarkesës në trafik dhe mbrojtjen e mjedisit, njofton Komuna e Tetovës.
Ndryshe nga sezoni i kaluar i skijimit, konkretisht nga janari 2025 kur kishte katër linja për udhëtim drejt qendrës skijimit, tani ka vetëm dy. Sezonin e kaluar autobusët niseshin në orët 08:00, 10:00, 12:00 dhe 15:30, ndërsa kthimi në qytet bëhej një orë më vonë nga këto termine.
