Për disa struktura politike në Bullgari, Maqedonia është gjithmonë një temë interesante për të tërhequr votuesit, megjithatë duke hapur një debat për Maqedoninë, ata vetëm sa i përkeqësojnë marrëdhëniet, thotë zv. kryeministri dhe ministri i Transportit, Aleksandar Nikollovski, pas deklaratave nga Sofja në lidhje me incidentin e fundit me thyerjen e dritareve dhe dyerve në hyrje të Ambasadës bullgare.
Nikollovski, i pyetur për marrëdhëniet me Bullgarinë, për “Sitel” tha se Qeveria nuk ka pasur fatin të ketë stabilitet politik në Bullgari për një periudhë të gjatë kohore.
“Kjo qeveri që tani ka rënë ishte më jetëgjata, zgjati 11 muaj dhe në ato muaj arritëm të biem dakord për Korridorin 8, për të cilin jam veçanërisht krenar. Tani po hyjnë përsëri në zgjedhje, në fushatë dhe për struktura të caktuara politike atje, Maqedonia është gjithmonë një temë interesante për të tërhequr votuesit, por mendoj se gabohen sepse në çdo cikël zgjedhor pasues pjesëmarrja është më e ulët, që do të thotë se kjo temë nuk është ajo që presin qytetarët. Arsyeja pse kjo qeveri dështoi është rritja e taksave mbi pensionet dhe dividentët, që do të thotë se qytetarët po reagojnë ndaj ekonomisë dhe buxhetit, dhe jo ndaj marrëdhënieve me Maqedoninë. Duke hapur një debat për Maqedoninë, ata vetëm sa po i tensionojnë marrëdhëniet”, tha Nikolloski.
