Zëvendëskryeministri i parë dhe ministri për Çështje Evropiane, Bekim Sali, së bashku me kryeministrin Hristijan Mickoski dhe ministrat e kabinetit qeveritar, kanë mbajtur sot takim koordinues lidhur me agjendën reformuese.
Në fokus të diskutimit ka qenë dinamika e procesit të eurointegrimit i cili po vijon sipas planit, ndërsa mbetet prioritet strategjik i vendit.
Sipas zëvendëskryeministrit Sali, madje rezultatet pozitive janë dëshmi se reformat po ecin në drejtimin e duhur.
“Si ministër për Çështje Evropiane dhe koordinator kryesor për Agjendën reformuese, vazhdojmë me përkushtim të plotë punën për integrimin e vendit në Bashkimin Evropian. Sot në takimin e kryesuar nga kryeministri Hristijan Mickoski, së bashku me ministra dhe përfaqësues të institucioneve, vlerësuam progresin konkret në zbatimin e Agjendës reformuese. Rezultatet pozitive janë dëshmi se reformat po ecin në drejtimin e duhur”, shkruan zëvendëskryeministri Sali.
