Kanë përfunduar me sukses punimet për sanimin e rrugës kryesore në hyrje të vendbanimit Rashçë, një ndërhyrje e rëndësishme infrastrukturore që zgjidh një problem shumëvjeçar për banorët dhe për qarkullimin rrugor.
Në këtë segment rrugor, për vite me radhë ishte evident problemi i grumbullimit të ujërave atmosferike, i cili vështirësonte lëvizjen dhe dëmtonte infrastrukturën ekzistuese. Me realizimin e punimeve ndërtimore, rruga është nivelizuar plotësisht dhe është instaluar rrjet i ri i infrastrukturës nëntokësore, duke mundësuar largimin e rregullt të ujërave atmosferike.
Ky projekt është realizuar nën udhëheqjen dhe përkushtimin e kryetarit të Komunës së Sarajit, Muhamed Elmazi, si pjesë e angazhimit institucional për zgjidhjen e problemeve të kahmotshme infrastrukturore dhe përmirësimin e kushteve të jetesës për qytetarët.
https://www.facebook.com/share/v/16rUzLJBbi/
