Përfaqësues të lartë të koalicionit VLEN kanë qëndruar sot në fshatin Dobërdoll, ku kanë shprehur mbështetje të plotë për kandidatin për kryetar të Komunës së Vrapçishtit, Zulhajrat Demiri.
Shefi i shtabit qendror të VLEN-it Adnan Azizi, përmes një postimi në Facebook, thekson se në këtë takim kanë marrë pjesë kryetari i Tetovës Bilall Kasami, zëvendësministri i Bujqësisë Albrim Hoxha, deputetja Valbona Adili, drejtori Granit Osmani, zëvendësdrejtori i Doganave Mustafa Dauti, si dhe këshilltari i Qeverisë Latif Arifi.
“Me kryetarin Bilall Kasami, zv/Ministrin e Bujqësisë Albrim Hoxha, deputeten Valbona Adili, drejtorin Granit Osmani, zv/drejtorin e doganave Mustafa Dauti, këshilltarin e Qeverisë Latif Arifi, në mbështetje të plotë të Zuli Demirit. Dobërdolli po rreshtohet fuqishëm për fitoren e Zulit”, ka shkruar Azizi.
