Kryeministri i vendit Hristijan Mickoski, në një deklaratë për media theksoi se pret që edhe në dhjetor inflacioni të vazhdojë të ulet krahasuar me dhjetorin e vitit 2024.
Ndërkaq, Mickoski njoftoi se gjatë këtij muaji do të ketë “aksione të ashpra” ndaj dy ose tre marketeve për shkak të praktikave të padrejta tregtare.
“Vlerësoj se politika e kujdesshme e Qeverisë, duke u larguar nga masat që në një ose dy muaj jepnin rezultate, por më pas çrregulloheshin në muajt pasues dhe kishim inflacion të lartë, rreth 4.5 deri afër 5%, tashmë ka sjellë inflacion nën 4% për këtë vit. Për vitin e ardhshëm pres të jetë rreth 2–3%. Vlerësoj gjithashtu punën në terren të Inspektoratit të Tregut dhe të Komisionit për Mbrojtjen e Konkurrencës, të cilët analizojnë praktikat tregtare të padrejta dhe reagojnë me ashpërsi. Janë hapur disa procedura dhe po ndjekim nga afër disa markete” – u shpreh Kryeministri i vendit, Hristijan Mickoski.
