Vizion Plus ka siguruar foton çiftit Llogara dhe Sose Xhebrojt, bashkëshortët të cilët ndërruan jetë sot në Orikum.
Dinamika e ngjarjes është e rëndë, ku sipas njoftimit, gruaja është dhunuar dhe vrarë nga bashkëshorti i saj, i cili më pas ka vrarë veten.
Rreth orës 13:30, Policia ka marrë njoftim nga urgjenca mjekësore se një shtetase është gjetur pa shenja jete dhe me shenja dhune në banesën e saj.
Nga veprimet e para hetimore dyshohet se viktima, shtetasja Sose Xhebro, 40 vjeçe, është vrarë nga bashkëshorti i saj, shtetasi Llogora Xhebro., 50 vjeç.
Gjatë kontrolleve të ushtruara nga shërbimet e Policisë në zonën përreth banesës, në garazh është gjetur autori i dyshuar, i cili dyshohet se është vetëvrarë me armë zjarri.
Arma pistoletë e gjetur në vendngjarje është sekuestruar në cilësinë e provës materiale.
Grupi hetimor, nën drejtimin e Prokurorisë, vijon punën për dokumentimin e plotë të rrethanave të kësaj ngjarjeje.
/vizionplus.tv
