Minas Osmani ka njoftuar publikisht përfundimin e bashkëpunimit të tij me FC Shkupin, duke dhënë dorëheqje pas pesë vitesh angazhim në ekipin e parë të klubit.
Në një njoftim për media, Osmani thekson se vendimi vjen pas një periudhe të gjatë sakrifice, përkushtimi dhe pune profesionale, të zhvilluar në kushte të vështira. Ai shton se, për një vit të tërë, ndaj tij nuk janë realizuar obligimet financiare, faktor që ka ndikuar drejtpërdrejt në marrjen e këtij vendimi.
Pavarësisht sfidave, Osmani shprehet se ka dhënë maksimumin për klubin, lojtarët dhe tifozët, duke përfaqësuar FC Shkupin me korrektësi dhe ndershmëri profesionale.
Në fund të reagimit të tij, ai falënderon të gjithë bashkëpunëtorët, lojtarët dhe tifozët “Shvercerat” për mbështetjen gjatë këtyre viteve dhe i uron klubit suksese në vazhdim.
Jep dorëheqje trajneri i FC Shkupit Minas Osmani
