Tre këshilltarë të AKI-së në Qytetin e Shkupit, nuk i votojnë projektet kulturore të lidhura me rikonstruimin e Kalasë së Shkupit, Çarshisë së Vjetër dhe Akuaduktit “Skupi”.
Propozimi i ardhur në rend të ditës në mbledhjen e sotme të Qytetit të Shkupit, mësohet se ka shfaqur divergjenca të papritura në kampin politik shqiptar pasi që gjysma e këshilltarëve të AKI-së, pa ndonjë shpjegim i kanë thënë “jo” projekteve kulturore që ndërlidhen me trashëgiminë kulturore, përmes së cilës drejtpërdrejtë preken interesat e shqiptarëve.
Deri më tani nuk ka ndonjë arsyetim zyrtar nga koalicioni AKI për këtë vendim.
