Ministri i Punëve të Brendshme, Pançe Toshkovski, ka sqaruar mënyrën e funksionimit të sistemit të kamerave “Qytet i Sigurt”, duke theksuar se toleranca e shpejtësisë do të jetë e njëjtë me atë që zbatohet aktualisht nga radarët policorë.
Sipas Toshkovskit, për shpejtësi deri në 100 km/orë do të aplikohet tolerancë prej 6 km/orë, për shpejtësi mbi 100 km/orë toleranca do të jetë 8 km/orë, ndërsa për shpejtësi mbi 200 km/orë toleranca arrin në 12 km/orë. Kjo do të thotë se në zonat ku kufiri i lejuar është 50 km/orë, sistemi “Qytet i Sigurt” do të regjistrojë shkelje nga 57 km/orë e lart.
Ministri sqaroi se këto toleranca vlejnë vetëm për kundërvajtje në komunikacion dhe nuk zbatohen në rastet kur bëhet fjalë për vepra penale të lidhura me trafikun rrugor.
Sistemi “Qytet i Sigurt” synon rritjen e sigurisë në komunikacion dhe parandalimin e aksidenteve përmes kontrollit të automatizuar të shpejtësisë dhe shkeljeve të tjera rrugore.
