Kryetari i Komunës së Çairit, Izet Mexhiti, ka pritur sot në një takim miqësor dhe të drejtpërdrejtë z. Refki Suma, ish-kryetar i Komunës së Hanit të Elezit dhe aktualisht kandidat për deputet në Kuvendin e Republikës së Kosovës nga radhët e Lëvizjes Vetëvendosje.
Takimi u zhvillua në një atmosferë të hapur, ku palët shkëmbyen ide dhe qëndrime mbi tema me rëndësi për qytetarët dhe zhvillimin e vendeve tona, si dhe mbi angazhimin politik në përgjithësi. U theksua rëndësia e bashkëpunimit ndërmjet institucioneve dhe aktorëve politikë për të adresuar sfidat aktuale dhe për të ndërtuar politika në shërbim të qytetarëve.
Me këtë rast, Mexhiti e falënderoi Sumën për vizitën dhe i uroi suksese në zgjedhje, si dhe mbarësi në rrugëtimin e tij politik, duke theksuar rëndësinë e angazhimit të vazhdueshëm në shërbim të Kosovës dhe qytetarëve të saj.
Takimi u vlerësua si një hap pozitiv drejt forcimit të dialogut dhe shkëmbimit të përvojave mes përfaqësuesve politikë nga trevat shqiptare.
