VLEN sonte ka hapur shtabin zgjedhor në Komunën e Vrapçishtit dhe e ka promovuar kandidatin e tyre Zulhajrat Demiri për zgjedhjet e 11 janarit.
Shefi i shtabit zgjedhor Adnan Azizi, në një postim në Facebook shkruan se Demiri është figura unifikuese në Vrapçisht dhe i njëjti përkrahet jo vetëm nga VLEN-i dhe partitë tjera, por edhe nga banorët e Vrapçishtit.
“Vrapçishti meriton vëmendje, zhvillim dhe mirëqenie. Zulhajrat Demiri është figura unifikuese në këtë komunë, i përkrahur jo vetëm nga VLEN-i, por edhe nga subjekte të tjera. Mbi të gjitha, i përkrahur masivisht nga banorët e Vrapçishtit”.
“Fryma fituese u ndje fuqishëm sonte në hapjen e shtabit. Urime kandidatit Zulhajrat Demiri dhe urime përzgjedhjen si shef shtabi Bunjamin Kadriut”, ka shkruar Azizi.
Demiri në zgjedhjet në Vrapçisht përballë do të ketë Isen Shabanin, i cili është kandidat i koalicionit AKI, tashmë të përçarë.
