Zëvendëskryeministri për qeverisje të mirë, Arben Fetai sot ka marrë pjesë në ceremoninë solemne për shënimin e 9-vjetorit të themelimit të Universitetit “Nënë Tereza” në Shkup, një institucion që simbolizon triumfin e një ideje të madhe dhe emancipimin arsimor të shqiptarëve në Maqedoninë e Veriut.
Siç shkruan Fetai në rrjetet sociale, ky institucion është dëshmi e gjallë e përpjekjeve tona kolektive për të ndërtuar një të ardhme ku çdo i ri shqiptar në Maqedoninë e Veriut të ketë qasje në arsim cilësor në gjuhën amtare.
Postimi i plotë i Fetait:
“Sot pata nderin e veçantë të marr pjesë në ceremoninë solemne për shënimin e 9-vjetorit të themelimit të Universitetit “Nënë Tereza” në Shkup, një institucion që simbolizon triumfin e një ideje të madhe dhe emancipimin arsimor të shqiptarëve në Maqedoninë e Veriut.
Ky institucion është dëshmi e gjallë e përpjekjeve tona kolektive për të ndërtuar një të ardhme ku çdo i ri shqiptar në Maqedoninë e Veriut të ketë qasje në arsim cilësor në gjuhën amtare.
Le të vazhdojmë të ndërtojmë së bashku një shoqëri ku dija është arma jonë më e fortë dhe ku çdo brez i ri ndihet krenar për identitetin dhe mundësitë e veta.
Urime përzemërsisht të gjithë familjes së UNT-së rektor, profesorë, studentë dhe staf!”, ka shkruar zëvendëskryeministri Fetai.
