Kryetari i Kuvendit, Afrim Gashi ka pritur në takim sot ministren e Punëve të Jashtme të Republikës së Shqipërisë, Elisa Spiropali e cila gjendet për vizitë zyrtare në vendin tonë.
Në një atmosferë miqësore, në takim është theksuar vazhdimësia e raporteve të ndërtuara fillimisht si homologë, tashmë edhe në role të reja institucionale, por siç theksohet, “me të njëjtin përkushtim për forcimin e lidhjeve ndërmjet dy vendeve tona”.
“Riafirmuam marrëdhëniet e shkëlqyera fqinjësore, të mbështetura në dialog politik të qëndrueshëm, bashkëpunim konkret dhe vizion të përbashkët evropian. Përgëzova progresin e Shqipërisë në procesin e integrimit, veçanërisht në hapjen e klasterëve negociues, duke theksuar njëkohësisht përkushtimin tonë të palëkundur ndaj rrugës evropiane. Nënvizuam rëndësinë e bashkëpunimit rajonal, kulturor e shoqëror, si dhe nxitjes së mëtejshme të projekteve të përbashkëta si shtyllë e stabilitetit dhe zhvillimit”, ka theksuar kryeparlamentari Gashi në takimin me Spiropalin.
