Barcelona nuk ndalet më; skuadra katalanase, iu përgjigj suksesit të Realit të Madridit duke mposhtur Villarrealin në transfertë në sfidën e radhës së La Liga me rezultatin 2-0.
Minutat e para janë të komplikuara për skuadrën kampione të Spanjës që rrezikuan të pësonin gol në dy rastë me Pepe dhe Ayoze Perez dhe në të dy rastet vendimtar ishte Kounde me ndërhyrjet e tij. Por në minutën e 10, Santi Comesaña shkakton faull ndaj Raphinas në zonë dhe arbitri akordoi një 11 metërsh që u shndërrua në gol nga vetë braziliani duke i dhënë Barcelonës avantazhin 1-0.
Nëndetësja e Verdhë reagoi dhe shumë shpejt barazoi 1-1 me autogolin e Kounde, por që u anulua për një pozicion jashtë loje të futbollistëve të saj në nisje të aksionit. Në krahun tjetër Barcelona ishte e frikshme në sulm dhe Raphinha goditi tramversën, ndërkohë që iu afruan golit të dytë edhe Ferran Torres, ndërsa Yamal bëri që Villarreal të mbetet me 10 lojtarë për shkak të ndëshkimit me karton të kuq direkt të Renato Veiga për shkak të një faulli shumë të ashpër, por pjesa e parë u mbyll 1-0.
