Autoritetet izraelite kanë miratuar krijimin e 19 vendbanimeve izraelite në Bregun Perëndimor, duke e çuar në 69 numrin total të vendbanimeve që kanë marrë dritën jeshile në tre vitet e fundit, sipas një njoftimi zyrtar të bërë publik sot.
“Propozimi i Ministrit të Financave Bezalel Smotrich dhe Ministrit të Mbrojtjes Israel Katz për të shpallur dhe zyrtarizuar 19 vendbanime të reja në Jude dhe Samari (red.: emri i përdorur nga Izraeli për Bregun Perëndimor të pushtuar) u miratua nga këshilli i sigurisë i qeverisë”, njoftoi shërbimi për shtyp i Smotrich.
“(…) ne po parandalojmë krijimin e një shteti terrorist palestinez. Ne do të vazhdojmë të zhvillohemi, të ndërtojmë dhe të vendosemi në tokën e paraardhësve tanë”, shtuan ata.
