Një zjarr ka shpërthyer në një lokal afarist në afërsi të Stacionit të Autobusëve në Prizren.
Nuk dihet nëse nga zjarri ka persona të lënduar.
Klankosova.tv ka kontaktuar me Policinë e Kosovës dhe është në pritje të një përgjigjeje.
Një zjarr i madh ka përfshirë disa lokale në afërsi të Stacionit të Autobusëve në Prizren.
Sipas Policisë së Kosovës, zjarri ka shpërthyer në qendrën tregtare të njohur si “Te Shtrumfat”, duke shkaktuar dëme të konsiderueshme materiale.
Por, siç bën të ditur Policia e Kosovës, deri më tani nuk ka raportime për të lënduar.
“Sonte me datën 19.12.2025, pas orës 23:00 është raportuar se ka shpërthyer një zjarr në afërsi të Stacionit të Autobusëve në Prizren. Zjarrfikësit dhe policia janë në vendngjarje. Zjarri ka përfshirë disa lokale të qendra tregtare e njohur si “Te shtrumfat”. Deri më tani përveq dëmeve materiale nuk ka të raportuar persona të lënduar”, njoftoi zëdhënësi i Policisë, Shaqir Bytyqi për Klankosova.tv
