Yll Limani ka thyer rekord klikimesh.
Këngët e albumit të tij më të ri, “Thirrëm Sot ose Nesër”, kanë grumbulluar më shumë se 2.5 milionë klikime, që nga publikimi i djeshëm në orën 18:00, raporton IndeksOnline.
Me dorë në zemër duke falënderuar publikun për këtë sukses, Ylli ka thënë se ky album është shprehje e gjendjes së tij emocionale, të formësuar brenda vitesh.
“Dy vitet e fundit m’kanë rrit shumë si njeri. “Thirrëm Sot ose Nesër” është kaosi emocional i këtynë dy viteve të fundit, i shndërrum në 16 kangë. Ka pritje, mall, zhgënjim, shpresë, dashni… krejt çka kom dasht me i thonë me zo t’nalt n’jetë e s’kom mujt, i kom thonë këtu, në këtë album” u shpreh Ylli.
Duke falënderuar të gjithë ata që punuan fort për realizimin e këtij albumi, Ylli ka thënë se nëse publiku është prekur nga vetëm një këngë e tij, atëherë gjithçka ia ka vlejtur.
