Prokuroria kërkon që gjykata të shqiptojë masën e paraburgimit ndaj dy të dyshuarve për vrasjen e gruas 53 vjeçe nga Negotina e komunës së Vrapçishtit, rajoni i Gostivarit, përcjell TV21. Nga Prokuroria Themelore e Gostivarit tashmë kanë dhënë urdhër për zhvillimin e procedurës hetimore ndaj dy personave të dyshuar për kryerjen e një veprës penale-vrasje.
Në lidhje me: Trupi i pajetë i gruas në Gostivar, MPB: Burri 53 vjeç nga Negotina dyshohet për vrasje
“I dyshuari dhe e dyshuara, si bashkëkryerës, në fshatin Negotino të Gostivarit, në mënyrë çnjerëzore e privuan nga jeta Hava Azizin nga fshati Zdunjë. Viktimën e morën para shtëpisë së saj më 7 dhjetor, e çuan në shtëpinë e të dyshuarve, ku filluan një debat për disa mosmarrëveshje. Më pas, e mbyllën në një dhomë ndihmëse në pronësi të një personi që jeton jashtë vendit. E dyshuara solli një pistoletë, ndërsa i dyshuari kreu vrasjen me një plumb nga arma e zjarrit Së bashku me një karrocë, e vendosën trupin e viktimës në automobil, e çuan në periferi të fshatit Negotino, ku e vendosën në një gropë të hapur, e dogjën dhe e mbuluan me dhe, degë dhe objekte të ndryshme”, thuhet mes tjerash në njoftimin e Prokurorisë.
