Kryeministri Hristijan Mickoski, në Ditarin e Televizionit Sitel, duke folur për vonesat e ndihmës sociale, theksoi se Qeveria nuk do të lejojë keqpërdorimin e saj, pasi ka pasur raste që, mbi baza të ndryshme, kanë marrë 60–65 mijë denarë në muaj.
“Gjendja është stabile, por duhet të mësohemi me rend dhe disiplinë. Nuk mund të shpenzohen paratë në mënyrë të stuhishme dhe nuk mund të thithet e të mjelet buxheti përmes faturave fiktive. Kur jemi tek ndihma sociale, ka shumë raste që tashmë po i analizojmë, ku ndihma sociale merret mbi disa baza. Kemi persona që marrin NMG, ndihmë minimale të garantuar, por edhe ndihma të tjera deri në 60–65 mijë denarë në muaj, mbi disa baza që i përfitojnë. Kjo është vjedhje, është e paligjshme. Po, do ta pastrojmë dhe filtrojmë listën e përfituesve të ndihmës minimale të garantuar, sepse kujdesemi për shtetin dhe për të ardhmen e shtetit”, theksoi Mickoski.
Ai shtoi gjithashtu se, pavarësisht gjendjes së keqe dhe kaosit në të cilin ndodhej shteti pas marrjes së mandatit, është bërë konsolidimi dhe tashmë po shënohen rezultate të majme ekonomike në Evropë sipas PBB-së sonë.
“Ne mund t’i fshehim të gjitha këto nën qilim, sa mbledhim aq të shpërndajmë dhe ta fusim në borxhe shtetin, por a është kjo e përgjegjshme për brezat pas nesh? Jo. Ne duhet ta konsolidojmë dhe e kemi konsoliduar. Të mos ju kujtoj nga ku nisëm – nuk kishim shtet, nuk kishim sistem, gjithçka ishte e shkatërruar. Për një vit e gjysmë u bë konsolidimi, po shënojmë rezultate ekonomike që janë të majme në Evropë, sa i përket PBB-së sonë, të kuptohemi drejt, që të mos keqkuptohem më pas. Tani, kur i kemi parasysh të gjitha këto, këto sfida janë logjike, nuk janë diçka e palogjikshme, por duhet të ketë rend dhe disiplinë”, theksoi Mickoski dhe shtoi:
“Nëse ky është çmimi politik që kjo qeveri duhet ta paguajë, që udhëheq politikë të disiplinuar, pa skandale, politikë që mbron interesat kombëtare, politikë të disiplinës, rendit dhe rregullit – në rregull, do ta paguaj. Por duhet të ketë rend dhe disiplinë. Nuk mund më të ketë stuhi, kompani të çastit, të paraqesin fatura fiktive për importe milionëshe, e më pas të kërkojnë shuma milionëshe rimbursim të TVSH-së, duke pretenduar se malli është i magazinuar dhe pa kontroll nga DAP t’u kthehet TVSH-ja. Kjo nuk do të ndodhë më dhe për këtë arsye janë aty ku janë – në paraburgime dhe burgje. Dhe do të ketë akoma më shumë.”
