Pushteti dhe opozita janë me rezoluta të posaçme, të cilat vërtetojnë mos strehimin e migrantëve në vend. VMRO-DPMNE, VLEN dhe “E di” dorëzuan rezolutën në Kuvend. Me dokumentin nëntë pikësh duan t’i vënë fund çështjes, sipas tyre të stisur, të LSDM-së për migrantët.
“Vërtetohet se as që është kërkuar, dakorduar e as që do të lejohet vendosja e kampeve për migrantë, qendra pranimi apo forma afatgjate për strehimin e migrantëve nëpër komunat e vendit dhe se një aktivitet i tillë nuk do të jetë pjesë e politikave të Qeverisë. Duam të theksojmë se me këtë rezolutë, vërtetojmë se Qeveria dhe Kuvendi asnjëherë nuk do të lejojnë që të bisedohet për migrantë.”, – deklaroi deputeti i VMRO-DPMNE-së, Nikolla Micevski.
