Pasi prindërit e dy të miturve të përfshirë në një aksident trafiku me deputetin Sashko Jançev, u drejtuan tek kryetari i Kuvendit me një letër për marrje të imunitetit të deputetit në fjalë, nga Kuvendi sot dhanë qëndrim. Kuvendi thonë ata në komunikatën dërguar mediave nuk inicon procedura të tilla me vetiniciativë, as nuk mund t’i inicojë në bazë të kërkesave të individëve, organizatave ose mediave. Në këtë drejtim, Kryetari i Kuvendit shtojnë ata, kërkesën e dorëzuar e ka paraqitur te Komisioni për Çështje të Rregullores, Mandatit dhe Imunitetit, si dhe te deputeti Sashko Jançev, në përputhje me parimet e transparencës dhe informimit të plotë.
KABINETI I KRYETARIT TË KUVENDIT
“Procedura lidhur me heqjen e mundshme të imunitetit të deputetit mund të inicohet vetëm në bazë të kërkesës zyrtare të parashtruar nga organi shtetëror kompetent, dhe kjo vetëm në rastet kur kërkohet inicimi i procedurës penale, përcaktimi i masës së paraburgimit ose ekzekutimi i dënimit me burg ndaj deputetit”.
Nëse organet kompetente theksojnë më tej, dorëzojnë kërkesë zyrtare për veprim, Kuvendi do të veprojë brenda kornizës së detyrimeve kushtetuese dhe rregullores.
Ky qëndrim i pason letrës së dorëzuar para disa ditësh kryetarit të Kuvendit, prindërit e dy të miturve, të cilët treguan se në një aksident që kishte ndodhur në shtator të këtij viti mes deputetit Sashko Jançev dhe një 16 vjeçari që po e drejtonte një moped, nga aksidenti ky i fundit kshte ndërruar jetë, ndërsa 13 vjeçarja kishte marrë lëndime të rënda. Prindërit kërkojnë marrjen e imunitetit të deputetit Jançev, pasi kanë frikë se ai mund të ndikoj tek institucionet, duke u thirrur në imunitetin e deputetit.
