Sektori për Punë të Brendshme në Shtip – Njësia në Dellçevë ka paraqitur kallëzim penal në Prokurorinë Themelore Publike të Dellçevës kundër D.C. (53) nga Dellçeva, për shkak të dyshimit të bazuar për kryerjen e veprës penale “falsifikim dokumenti”, sipas nenit 378 të Kodit Penal.
E raportuara, më 1 qershor 2023, ka siguruar një test të falsifikuar për njohuri të gjuhës angleze nga Bullgaria dhe më 29 qershor 2023 e ka dorëzuar atë si pjesë të dokumentacionit në konkursin publik për zgjedhjen e drejtorit të gjimnazit “Metodi Mitevski Brico” në Dellçevë.
Bazuar në dokumentet e dorëzuara, komisioni ka konstatuar se D.C. i plotëson kushtet e përcaktuara në konkurs, dhe pas përpilimit të procesverbalit është dërguar propozim te kryetari i komunës së Dellçevës që ajo të zgjidhet drejtoreshë.
Në bazë të këtij propozimi, më 12 korrik 2023, kryetari i komunës së Dellçevës ka lëshuar vendimin me të cilin e raportuara është emëruar drejtoreshë e shkollës.
