Agjencia e Ushqimit dhe Veterinarisë i ka shqiptuar gjobë prej 2.450 eurosh operatorit ushqimorë pas gjetjes së parregullsive në shkollën fillore Dimo Haxhi Dimov dhe 8 shkolla të tjera të Komunës së Karposhit. Për shkollën ku u helmuan një numër i lartë i fëmijëve operatori është gjobitur me 600 euro, ndërsa personi përgjegjës me 300 euro, pasi analizat treguan prani të baktereve në musakën që iu ishte shërbyer nxënësve. Pas urdhrit për pastrim dhe dezinfektim të kuzhinës, pajisjeve dhe makinerive, inspektorët morën sërish mostra nga sipërfaqet e punës për të vlerësuar sigurinë ushqimore. Punonjësit e kuzhinës u dërguan në kontrolle shëndetësore, ndërsa kuzhina mbetet e mbyllur deri në marrjen e rezultateve laboratorike që do të konfirmojnë sigurinë e saj.
“Agjencia mori zyrtarisht rezultatet e analizave laboratorike të mostrave të marra nga ushqimi, sipërfaqet e punës, pajisjet dhe punonjësit në kuzhinën e Shkollës Dimo Haxhi Dimov, si dhe nga kontrollet e jashtëzakonshme të kryera në kuzhinat e 9 shkollave fillore të komunës së Karposhit, të cilat menaxhohen nga i njëjti operator ushqimi. Operatorit i ushqimit i është shqiptuar gjobë prej 600 eurosh në kundërvlerë të denarëve, ndërsa përgjegjësit i është shqiptuar 300 euro, pasi analizat treguan se musaka e shërbyer në Shkollën “Dimo Hadzhi Dimov” nuk i plotësonte kriteret mikrobiologjike të sigurisë, duke u konstatuar prania e baktereve”, thonë nga Agjencia e Ushqimit dhe Veterinarisë.
Agjencia gjeti parregullsi edhe në shkollat e tjera të Komunës së Karposhit. Në një ushqim është gjetur pranie e bakteres Esheria Koli dhe është konstatuar mungesë e kushteve teknike të punës.
“Nga mostrave të marra gjatë kontrolleve parandaluese në 9 shkolla fillore, në një mostër ushqimi (namaz) u gjet prania e bakterit Esheria koli. Dy nga mostrat e sipërfaqeve dolën pozitive, por nuk u gjetën baktere patogjene në to. Për parregullsitë e konstatuara gjatë kontrolleve parandaluese, operatorit të ushqimit i janë shqiptuar dy gjoba prej 900 eurosh, 600 euro për operatorin dhe 300 euro për personin përgjegjës. Për mos posedim të certifikatës për kursin e higjienës dhe mungesë të kushteve teknike të punës, mungesë e ujit të ngrohtë në dy kuzhina shkollore, një personi i është shqiptuar edhe gjobë prej 650 eurosh”, njoftojnë nga Agjencia e Ushqimit dhe Veterinarisë.
Një javë më parë në shkollën fillore Dimo Haxhi Dimov të komunës së Karposhit një numër i lartë i fëmijëve shfaqën simptoma të helmimit, ndërsa disa prej tyre përfunduan në spital. /Alsat.mk
