Kryetari i Kuvendit, Afrim Gashi ka marrë pjesë në pritjen e fundvitit të organizuar nga ambasadori i BE-së në Shkup, Mihalis Rokas.
Ai ka falënderuar ambasadorin për mikpritjen dhe mbështetjen e vazhdueshme të vendit në realizimin e aspiratave evropiane.
“Bashkë me miq e funksionarë shtetëror, mora pjesë në pritjen e fundvitit të organizuar nga ambasadori i BE-së, z. Mihalis Rokas. Në një atmosferë të këndshme dhe festive përmbyllëm simbolikisht një vit të rëndësishëm. Vlerësova partneritetin me delegacionin e BE-së i cili mbetet thelbësor për avancimin e reformave dhe forcimin e rrugëtimit tonë evropian. Me këtë rast, falënderova ambasadorin për mikpritjen dhe për mbështetjen e vazhdueshme të vendit në realizimin e aspiratave evropiane”, thekson Gashi në postimin në Fejsbuk.
