Kryetari i Kuvendit, Afrim Gashi ka informuar për disa vendime dhe nisma të rëndësishme që u miratuan sot në Kuvend në kuadër të seancës së 72-të.
Në këtë mbledhje janë miratuar ndër të tjera, nisma për Komisionin anketues për tragjedinë në Koçan si dhe zgjedhja e kryetarit të ri të Antikorrupsionit.
“Në seancën e 72-të të Kuvendit zhvilluam një agjendë të rëndësishme vendimmarrëse. Ndër të tjera; U miratua nisma për Komision hetimor për tragjedinë në Koçan dhe ngjarjet e tjera tragjike të viteve të fundit, me mandat për të identifikuar mangësitë institucionale dhe funksionimin e shërbimeve kompetente”, ka thënë Gashi.
Siç bën të ditur kryeparlentari në seancë jane miratuar edhe propozimet për përbërjen e re të Këshillit nacional për arsim të lartë dhe veprimtari shkencore-hulumtuese.
“U zgjodh kryetar i ri i Komisionit shtetëror për parandalimin e korrupsionit, pastaj vendimi për shpalljen e konkurseve publike për kryetar, nënkryetar dhe anëtarë të Komisionit Shtetëror të Zgjedhjeve (KSHZ)”, nënvizoi Gashi.
