ÇMIMI “HAFIZI I RI I VITIT” – “NË GJURMËT E MË TË MIRËVE” 2025
Një nga momentet më frymëzuese të manifestimit “Në gjurmët e më të mirëve” ishte shpallja e Hafizit të ri të Vitit, një çmim tashmë tradicional i Forumit Rinor Islam, që nderon të rinjtë që përmbyllin me sukses memorizimin e plotë të Kur’anit.
Këtë vit, dekorata iu dha Ajan Ibrahimit, hafiz 13-vjeçar nga Batinca e Shkupit, i cili përfundoi hifzin për më pak se dy vite, nën kujdesin e muhafizit të tij, xhaxhait Ibrahim Ibrahimi. Ajani e mbrojti me sukses hifzin para Komisionit të Myftinisë së Shkupit më 8 shtator 2025, ndërkohë që vazhdon shkollimin e rregullt si nxënës i shkëlqyeshëm i klasës së tetë.
Dekorata u nda nga ish-kryetari i FRI-së, hoxhë Zulqefli Sinani, të cilin organizata e falënderoi për prezencën dhe kontributin. Përveç dekoratës, Forumi Rinor Islam e shpërbleu Hafizin e ri me një shumë simbolike të hollash dhe me kompleta librash nga botimet “Furkan ISM” dhe “Logos-A”.
FRI e përgëzon Ajanin dhe familjen e tij për këtë arritje të jashtëzakonshme, duke uruar që ky sukses të jetë fillimi i një rruge të ndriçuar me dije, adab dhe vepra të mira.
Ky çmim mbetet simbol i frymëzimit që manifestimi “Në gjurmët e më të mirëve” përçon çdo vit: të ecim të gjithë në gjurmët e dijes, vlerave dhe shembujve më të mirë.
https://www.facebook.com/share/p/1E7ZXaLhBy/
